காத்தவராயன் கையில் கத்தி பார்த்து பழகி
என்னை மிதிக்கும் உன் கொட்டங்களின்
வாலை ஒட்ட அறுத்து தொரத்தும் என் துடிப்பு
நாளை வரைக்கும் பாதுகாக்கப்படும்
வெட்டிய வால் முளைவிடாதபடி
இறுக்கி அடிக்கப்படும் ஆப்பு
என் அமைதியை சீர்குலைக்கும் நீ
மறந்துவிடுகிறாய் எனக்கும் கொஞ்சம் கோபம் வரும்
என் மௌனத்தை உடைப்பதில் நீயும்
உன் வாயை உடைப்பதில் நானும்
தள்ளிவிடுகிறோம் நம் காலத்தை
நானுண்டு என் வேலையுண்டு என்றபடியே நகரும்
என் நாட்களை கொத்தித்தின்னும் நீ
என்னித ஏன்டா புடிச்சி உருவுற
No comments:
Post a Comment