ஆய்வேட்டில் குறிக்கப்படாத ஆய்வுக்காலங்கள்

எதற்கும் கவலைப்பட வேண்டாம்
சிலிண்டர் தீர்ந்துவிட்டால் தூக்கிச் சுமப்பதற்கு
ஆய்வாளன் இருக்கிறான்
அனுப்பவேண்டிய கடிதங்களுக்கு அவனே தபால்தூக்கியாவான்
அதிகாலையில் பால்போடும் பால்காரனும் அவனே
அந்தியிலும் போட மறுப்பதில்லை
மின்சார கட்டணத்தின் தேதியை வாத்தியான் மறந்திருப்பினும்
மறக்கப்போவதில்லை அவன் மூளையில் குறிக்கப்பட்ட பதிவுகள்

வழிகாட்டியைப் பார்த்தவுடன் நெலியும் ஆய்வாளப்புழு அவன்
எப்படி ஆட்ட வேண்டுமென்பதை தெரிந்திருந்த குரங்கு வித்தைக்காரனவன் ராப்பொழுது பாராமல் எந்த வேலையும் வாங்கிவிடலாம்
ஆய்வாளன் பேரில் பதிவு செய்யப்பட்ட்ட அடிமையவன்

தேவையான இடத்தில் கையொப்பமிடுவதற்கு
பீத்திக்கொள்ளும் வழிகாட்டி
அவனை முந்தானையிலே முடித்துக்கொள்ளு(ல்லு)ம் காரியதரிசி
தொட்ட தொண்ணூறுக்கும் அவன் ஓட வேண்டும்
வாத்தியார் வரும் முன் சென்று கதவை திறக்க வேண்டும்
நேர்த்தியாக செய்து முடித்திட்ட வேலையில்
பிசகாக ஏற்பட்ட கொஞ்சம் குறைக்கும்
நெஞ்சம் பொறுத்து வாங்கி கட்டிக்கொள்ள வேண்டும்
அடிமையின் வாசம் மறந்து
ஆய்வுக்காலம் முடியும் அந்த ஒற்றைப்புள்ளியை
மங்கிபோய் பார்க்கும் அவனது கண்கள்
அப்பொழுது எல்லாவற்றிற்கும் பழக்கப்பட்ட
செக்குமாடாய் சுழலும்