ரகசிய கூட்டமொன்றில் திரைமறைவு உரைகள்

ஏற்கனவே அவர்கள் கழுவில் ஏற்றப்பட்டவர்கள்
கூர்முனை செதுக்கப்பட்ட சிலுவையில்
அவர்களை கழுவில் ஏத்திவிட்டு
நாம் மட்டும் கூடி
கொள்ளையடித்ததை பங்குபோட்டுக்கொள்ளலாம்

அப்பத்தை பிட்டு கையில் கொடுத்துவிட்டு
எல்லாவற்றையும் சுருட்டிக்கொள்ளலாம்
ஆலய மணியோசையில் சரணமடையும் அவர்கள்
மண்டியிட்டு கண்மூடும் நொடியில் கடத்திவிடலாம்
காட்டிக்கொடுத்துவிடாது நம் வெள்ளை அங்கிகள்

ஏசுநாதரின் ரத்தத்தைவிட சிலுவையில்
அதிகமாய் சிந்தி கிடக்கிறது அவர்களின் ரத்தம்
நீர் ஊற்றி கழுவிவிடலாம் புனிதப்பூசையின் வாசத்தில்
பல்லை காட்டி நிற்கும் சிலுவை