மரணக்குறிப்பேட்டின் பக்கங்களிலிருந்து

நீங்கள் கக்கிவிடும் விசத்திற்கு
மருந்திடும் எங்கள் போராட்டங்களை ஊனப்படுத்தும்
உங்கள் துப்பாக்கியிலிருந்து கிளம்பிய
தோட்டாக்களைவிட வலிமையானது
என் துப்பாக்கியிலிருந்து சிதறி
உங்கள் வாயை கிழிக்கும் என் தோட்டாக்கள்

மனித நேயத்தை அறிந்திடாத உன் தோட்டாக்கள்
எங்கள் மீது மட்டும்
எளிமையாக பாய்ந்துவிடும் பொச்சரிப்புபோறாம்பு
நீளும் உன் கைகளை முறிக்கும் என் கைகள்
என் அசைவுகள் உன்னை அச்சுறுத்தும்

எதற்கும் எச்சரிக்கையாகவே இரு
வானத்திலிருந்து உதிரும் வால்நட்சத்திரம்
உன் வாயின் வாசல் தேடி நுழையும்
உன் தோட்டாக்கள் சிதைத்துவிட்ட உடல்கள்
மரணக்குறிப்பின் பக்கங்களில்
ஊர் முனையில் அரிவாளோடு நிற்கும் கொலச்சாமி