தூக்கித்தூக்கி

அவன் மூத்திரம் விட்டதை
ஆண்டையிடம் சொல்லியே தீர வேண்டும்
ரொட்டித்துண்டுகள் வீசப்படாவிட்டாலும்
காட்டிக்கொள்ள வேண்டும் விசுவாசத்தை

பார்த்ததை கேட்டதை எல்லாவற்றையும்
ஒப்பித்துவிட வேண்டும் ஆண்டையிடம்
தன்னந்தனியாய் நடந்துபோனவன்
பத்து பேருக்கு முன்னாள்
திட்டியதாக சொல்லிவிட வேண்டும்
பிராது ஏதுமில்லாமல்
அப்புறம் கோபித்துக்கொள்வார் ஆண்டை

எங்கேயோ ஒருவன் குசுவிட்டதை மூட்டைக்கட்டி
ஆண்டையின் காதில் திணித்திடும் வேகத்தில்
தலையங்கச்செய்தி தெரிந்ததில்
கனத்துக்கிடக்கும் மண்டை

தூக்கிச்சுமப்பனவற்றை இறக்கிவைத்து
முதுகில் சுமக்கும் பாரத்தில்
ஆண்டையின் கரிசனத்தைப் பெற்ற கோள்மூட்டி
உணர மறந்துவிட்ட அடிமை