இன்னும் சொல்ல வேண்டிய கதைகள்

அறுத்து மாளாமல் எரவானத்தில் சொருவப்பட்ட அறுவாள்
அறக்கப் பறக்க அலறியடித்து எழும்
அவள் கண்ணுக்குள் சொருகி கிடக்கும்
நேத்தைய பொழப்பே வழ்க்கையாய்ப்போன கிழவிக்கு
அடுப்பங்கரையில் படுத்துறங்கும் பூனையை துரத்தும் தெம்புமற்று
கொசவானத்தில் சொருகிய அரிவாளோடு எட்டி நடைபோடும்
வேகத்தில் பின்னுக்குத்தள்ளப்படும் சேரியின் குடிசை
பொசாயப்பொழுதில் மூன்றாம் நாள் ஆக்கி வைத்த
கம்மங்கட்டியில் நாளைக்கு ஒதுக்கி வைக்கும் கிழவியின் லாவகம்
அவள் கரைத்து குடிக்கும் கூழோடுக் கரைந்துப்போகும் அவளது காலம்
இருட்டிகிடக்கும் ராத்திரியை உறங்க வைக்க அவள் சொல்லும் கதை
ஒரு ஊருல ஒரு பண்ணையார்
அவன் வீட்டு அடுப்பில்
ஒரு கிழவியின் சாண்டு வடியும்