பிராமணீயம் என்கிற சூத்தரியம்

வெறும் வெற்று வார்த்தைகளை விரித்திட்ட உன்னை
இது கூட மதிக்கப்போவதில்லை
உன்னால் உருவாக்கப்பட்டதுதான் சூத்தரியம்
எல்லாவற்றிற்கும் அதுதான் காரணம்
நீ மட்டும் விரல் சூப்புகிறாய்

தனித்தே இருக்கும் என்னை
நீ விடுவதாகவே இல்லை
பெரிதாக உன்னிடம் எதையும்
நான் கேட்டுவிடப்போவதுமில்லை
குறைந்தபட்ச கோரிக்கைதான்
என் இடுப்பில் கைவைத்து
உருவுவதை மட்டும் நிறுத்திவிடு

பார்வையாளர்களை குருடாக்கும்
தொடரும் உன் நாடகத்தனம்
செவிகள் புளித்திடும் வசனம்
மௌனமாய் நகரும் நாட்கள்
அறுத்துப்போடும் உன் சூத்தரியத்தை