சூரிய வெளிக்கு அப்பால் ஒரு ஆய்வுக்கூடம்

அதிகார ஆண்டையிடம் ஆய்வுச்சாணி வாரி
நிமிர முடியாமல் கிடக்கிறது முதுகு
எப்படி வளைந்ததென்று தெரியாது
சித்திரை வெய்யிலில் அவன்
வீட்டு பழைய புத்தகங்களை
துடைக்கச் சொல்லி ஏவியது தொடக்கமாக இருக்கலாம்
பின்பொருநாள் அவன் மனைவியின்
கையாளாக மாறியது நினைவிலிருக்கிறது
எப்பொழுதும் அப்படி வேர்த்ததில்லை
வாத்தியாரின் அதிகாரத்தில் அவள்
என்னை ஒழுக்கச் சொல்லி ஈர்த்தபோது

பாழ் நிலத்தின் மையத்தில்
கனவொன்றுடன் புறப்பட்டது மனம்
சாணி வார டாக்டர் பட்டம்

வெளியே சொல்லாமல் யாருக்கும் தெரியாது
நான் கூட பீத்திக்கொள்ளலாம்பல்கலைக்கழகத்தில் முனைவர் பட்டம்