அடிமையாய் வாழ்ந்துவிட்ட அம்மாவுக்கு தெரியப்போவதில்லை
பட்டணத்துக்கல்லூரியில் ஆய்வு செய்யும் மகன்
வாத்தியின் பையை தூக்கியும்
இடைவேளையிலும் தேவைப்படும்போதும் டீ வடை ஏந்தி
விசுவாசமான அடிமையாய் நடந்துகொள்வதும்
ஆய்வு காலங்களில் வாத்தியின் பையை தூக்கினால்போதும்
வழிகாட்டுதல் பேரில் கொன்றுவிடும்
மனிதநேயமிக்க அதுகள் வாத்தி
வாத்தி வீட்டு வேலை முடிந்து களைப்பாறும் முன்
ஆய்வு காலம் கடந்துவிடும்
அடுத்து வரும் காலங்கள் கண்டபடி கொரைக்கும்
நல்ல அடிமை சிக்கியதில் மெதப்போடு அவனும்
தன்னை பீத்திக்கொள்ளும் சுயபுராணக்காரன்
சோம்பேறியாய் சுத்திவிட்டு
ஆய்வாளன் சேகரிப்பின் தரவுகளை கைப்பற்றியபடி
எழுதும் கட்டுரைகள் அவனின் ரத்தத்தை சுரண்டும்
ஏதோ ஒரு மூலையில் நன்றியுடன் குறிக்கப்படும்
அவனின் பெயருக்குப்பின்னால் ஒளிந்திருக்கும்
நூலகத்தில் அவன் புரட்டிய புத்தகத்திலிருந்து
அவன் மூக்கிலேரிய நெடி
ஆய்வாளன் பேரில் ஒரு அடிமையும்
வழிகாட்டி போர்வையில் மனித ரத்தத்தைச் சுரண்டும் ஒரு மிருகமும்
வாழ்ந்து முடிந்துவிடும் நாட்கள்
அவனின் குறிப்பேடுகளில் பதிக்கப்படும் அடிமைக்காலம்
எதுவுமே தெரிய வேண்டாம் அம்மாவிற்கு
அவனும் இங்கு சாணியை வாருகிறான்
No comments:
Post a Comment