ஒன்றன் மீது ஒன்றாய்

உடலசைவின் மொழிகளை அதன் பொருளை
பொத்தி காக்கும் இந்த மண்ணில்
கால்களை நீட்டவோ மடக்கவோ குறுக்கவோ முடியாமல்
தவிக்கிறது கால்களும் மனமும்
கால் மேல் கால் போடும் காட்சியை ஏறெடுத்து பார்க்கும் கண்கள்
மொறைத்துப் பார்க்கும் பூசணிக்காயில் வரையப்பட்ட பொம்மை
தேவையற்று உன்னை மிதிக்கவோ உதைக்கவோ உரிமையற்ற கால்கள்
சலனமின்றி அதன் மீது அது ஏறி கிடக்கும்
முள்ளின் தடத்தில் பூக்களின் பாதையில்
எனக்காக நடக்கும் என் கால்கள்
ஒருபோதும் எனக்காக மாரடிக்கப்படாத உன் கால்கள்