சுண்டி இழுக்கும் காயங்கள்

தவறிவிழுந்துவிட்ட குழந்தையின் முதுகில்

ஆற்றை கடக்கும் முதலை
கரையில் மல்லாந்து கிடந்தே இளைப்பாறுகிறது
நகம் புறண்டி வழப்பறிந்த முதுகில் வடியும் ரத்தம்
தாய்ப்பால் வாசம் கலந்தே வீசுகிறது
அழுது புலம்ப முடியாமல் எறவானத்தில்
தொங்கும் யானையில் மூச்சடைத்து கிடக்கும்
அந்த குழந்தைக்கு
இனி பறைச்சியின் தாலாட்டு தேவையில்லை
நூற்றாண்டு கணக்கில் ஒப்பாரியோடு மாரடித்து
ஓய்ந்த அவளும் மாரில் பால்கட்டி திணறுகிறாள்
அடுத்த சந்ததி முதலையின் முதுகில்
ஆற்றை கடக்கும் நினைப்போடு
மொதல கூட்டங்களுக்கு மத்தியில்
நீச்சல் பழகும் அவள்
ஓசியில் கிடைத்த நவாப்பழம்
உனக்கும் ஆகாது உன் ................... உதவாது
வெட்டி உருவப்படும் உன் குடல் ஈரல்
நாளை அந்த ஆலமரத்தில் தொங்கியவாறே
பழைய கதையை மாற்றிச் சொல்லும்
வேரடி மண்ணோடு மண்ணாக "புடுங்கி" எறியும்
மெதப்பில் கங்கணத்தோடு மனித முதுகை கீறியே
அந்த வனத்துக்குள் திரியும் கொம்புமனிதன்
மிருக கூட்டங்களுக்கு மத்தியிலேயே வாழ்ந்து பழகிவிட்டான்
பழைய நினைப்பில் நானும் வேட்டையாடியபோது
என் வீட்டின் சுவர்களை கொம்புகள் அலங்கரிக்கின்றன