நான் எனது அடையாளத்துடன்

கொம்பு முளைத்தவுடன் கெடா முட்டுவதை
வேடிக்கை பார்க்க மறுக்கும் சிறுத்தை
அடுத்த நொடியில் தீர்த்துவிடுகிறது
உன் வேகத்தின் உஷ்ணத்தில் மூட்டப்படும்
தீயில் சுடப்படுகிறது தோலுரிக்கப்பட்ட கெடா

தன்னை மறந்து கிடந்துவிடுகிற சிறுத்தை
முட்டுகிற கெடாவை தடுக்க மறந்துவிடுகிறது
காற்றில் பரவும் வாசணை திரவியம் அரிதாரச்சாயம்
சேரியின் முகவரியை புரட்டிப்போடுவதில்லை
பட்டறையில் காய்ச்சி அடித்தாலும்
வளையும் இரும்பு வெட்டுகிற அரிவாளாகும்
அடிமையை அடிமையன்றோ
சிறுத்தையை சிறுத்தையென்றோ உணரச்செய்