இறக்கிவைக்கப்பட்ட சிலுவை சுமக்கும் இவர்கள் ஏசுபிரான் அல்ல

சாதித்திமிரோடு பாதிரியார் நடந்தால் போட்டுத்தள்ளிடு
கர்த்தரிடம் மன்னிப்பு கேட்டுவிடலாம்
மறுத்தால் கர்த்தருக்கும் தலை இருக்காது

ஒடுக்கும் வெள்ளையனின் உறவை முறித்திட
கிருஸ்துவத்தை துறந்து
மதம் மாறினான் மால்கம் எக்ஸ்
நாய்கள் துரத்துவதினால்
உன் கிறிஸ்துவக்குழிக்குள் பதுங்கிவிட்டோம்
மன்னித்துவிடுகிறோம்
எங்களை காட்டிக்கொடுத்த ஏசுபிரானை

அப்பத்தையும் ரசத்தையும் காட்டி ஏமாற்றிவிட்டு
தூரத்தில் போகும் அந்த ஒளி யாருடையது
செத்தவன் உயிர் பிழைத்திருக்கக்கூடும்

சிலுவையில் அறையப்பட்டவன்
பாரம் சுமக்க முடியாமல்
சேரியின் முதுகில் இறக்கிவைத்திருக்கிறான்
அவன் ஓய்வெடுக்கும் வரை
முதுகு வளைந்து கிடக்கும்